Friday, August 31, 2018

காலுக்காகத்தான்; செருப்பே யொழிய

•காலுக்காகத்தான்; செருப்பே யொழிய
செருப்புக்காக கால்கள் இல்லை!
எனது balan tholar பக்கம் ஒரு மாத்திற்கு தடை செய்யப்பட்டுள்ளதாக பேஸ்புக் நிர்வாகத்தால் அறிவிக்கப்பட்டுள்ளது.
கீழே உள்ள படத்தை பிரசுரித்ததால் அது சமூகத்திற்கு எதிரானது என்று கூறி இத் தடை விதிக்கப்பட்டுள்ளது.
பரவாயில்லை. எத்தனை தடை போட்டாலும் அத்தனை தடைகளையும் தாண்டி எமது கருத்துகளை தெரிவிப்போம்.

நீங்கள் அனைத்து மலர்களையும் நசுக்கி விடலாம்.

நீங்கள் அனைத்து மலர்களையும் நசுக்கி விடலாம். ஆனால் வசந்தம் வருவதை உங்களால் தடுத்து நிறுத்த முடியாது!
நீங்கள் செஞ்சோலையில் அப்பாவி குழந்தைகளை கொன்றுவிட்டு பயங்கரவாத ஒழிப்பு என்று கொட்டமடிக்கலாம்.
ஆனால் தமிழ் மக்கள் அடிமைத்தனத்திற்கு எதிராக எழுச்சி கொள்வதை உங்களால் ஒருபோதும் தடுத்து நிறுத்திவிட முடியாது.
ஒரு புழுகூட நசுக்கும்போது துடித்து எழுகிறது. தமிழ் இனம் மட்டும் நசுக்கும்போது அடிமையாகவே கிடந்துவிடுமா?
Image may contain: 53 people, including Siva Prakeshyadav, people smiling
Want to tag Siva Prakeshyadav?  
Yes · No

வடமாநில இளைஞர்களை நினைத்து நாடே பெருமைகொள்கிறது – பிரதமர் மோடி

வடமாநில இளைஞர்களை நினைத்து நாடே பெருமைகொள்கிறது – பிரதமர் மோடி
கேரளா வரலாறு காணாத மழையால் நீரில் மூழ்கிறது.
கொடும் பசியால் குழந்தைகள்கூட வாடுகின்றன.
முதலாளி அம்பானியின் திறக்கப்படாத பல்கலைகழகத்திற்கு ஆயிரம் கோடி ருபா கொடுத்த பிரதமர் மோடி, கேரளாவிற்கு கொடுத்தது வெறும் நூறு கோடி ரூபா மட்டுமே.
பிரதமர் மோடி நினைத்து பெருமைப்பட்ட வடமாநிலல இளைஞர்கள் இவர்கள்தானா?

இவர் ஒரு முதல்வர் என்றால் நம்ப முடியுமா?

இவர் ஒரு முதல்வர் என்றால் நம்ப முடியுமா?
இவர் ஒரு முதல்வர்
அதுவும் இந்தியாவின் தலைநகர் டில்லியின் முதல்வர்
மோடி போன்று இவரிடம் லட்சம் ரூபா பெறுமதியான பேனா இல்லை
மோடி போன்று இவரது சட்டை 10 லட்சம் ரூபா பெறுமதி இல்லை.
ஆனாலும் டில்லியின் முதலமைச்சராக இருக்கிறார்.
அட, அண்மையில் மரணமடைந்த கலைஞரின் சொத்து மதிப்பு 40 ஆயிரம் கோடி ரூபா என்கிறார்கள்.
அதற்கு முன்னர் மரணமடைந்த ஜெயா அம்மையாரின் சொத்து மதிப்பு 30 ஆயிரம் கோடி ரூபா என்கிறார்கள்.
இப்படி ஒரு முதல்வர் தமிழ்நாட்டிற்கு கிடைக்கமாட்டாரா என ஏங்க வைக்கும் முதல்வர் கெஜ்ரிவால் இவர் .

•வாஜ்பேய் மரணமும் ஈழத் தமிழர்களும்!

•வாஜ்பேய் மரணமும் ஈழத் தமிழர்களும்!
முன்னாள் பிரதமர் வாஜ்பேய் மரணமடைந்துள்ளார்.
இனி ஒரு கூட்டம் முகநூலில் வரும்.
அது “தவறான கட்சியில் இருந்த நல்ல மனிதர் வாஜ்பேய்” என்று முதலில் எழுதும்.
அடுத்து “கலைஞரின் டெசோ மாநாட்டில் பங்குபற்றி தமிழீழத்தை ஆதரித்த தலைவர் வாஜ்பேய்” என்று எழுதும்.
இறுதியாக “ வாஜ்பேய் இருந்திருந்தால் தமிழீழம் கிடைத்திருக்கும்” என்று எழுதும்.
உடனே அதை நம்பி சில வரலாறு தெரியாத ஈழத் தமிழர்களும் வாஜ்பேய்க்கு அஞ்சலி செலுத்துவார்கள்.
என்னடா இது வரலாற்றையே தலைகீழாக மாற்றுகிறீர்களே என்று கேட்டால் “ இறந்த மனிதரைப் பற்றி விமர்சிப்பது தமிழர் பண்பாடு இல்லை” என்பார்கள்.
சரி பரவாயில்லை என்னவென்டாலும் சொல்லிவிட்டுப் போங்கடா. ஆனால் குறைந்த பட்சம் இந்த சில கேள்விகளுக்கு உங்கள் பதில் என்ன என்பதையாவது சொல்லுங்கடா.
(1) புலிகள் யாழ்ப்பாணத்தை பிடிக்க இருந்தபோது அதை தடுத்து நிறுத்தியது யார்? யாழ் குடா நாட்டில் இருந்த பத்தாயிரம் சிங்கள ராணுவத்தை காப்பாற்றியது யார்?
(2) வாஜ்பேய் பிரதமராக இருந்தபோது இலங்கை ராணுவத்திற்கு இந்தியாவில் பயிற்சி கொடுக்கப்படவில்லையா?
(3) வாஜ்பேய் பிரதமராக இருந்தபோது தமிழக மீனவர்களைக் கொன்ற இலங்கை கடற்படைக்கு இந்திய அரசு உதவி செய்யவில்லையா?
(4) கலைஞரின் டெசோ மாநாட்டில் தமிழீழத்தை ஆதரித்த வாஜ்பேய் பிரதமரானதும் தமிழீழத்தை மறுத்தது ஏன்?
(5) வாஜ்பேய் பிரதமராக இருந்தபோது தமிழகத்தில் இருந்த அகதிகளுக்கு செய்த உதவி என்ன? குறைந்தபட்சம் சிறப்புமுகாமையாவது மூடுவதற்கு அவர் முனையாதது ஏன்?
இப்ப சொல்லுங்கடா, ஈழத் தமிழன் ஏன் வாஜ்பேய்க்கு அஞ்சலி செலுத்த வேண்டும்?

தமிழா!

தமிழா!
கட்சத்தீவு உன்னுடையது ஆனால் நீ போக முடியாது
வங்கக்கடல் உன்னுடையது ஆனால் நீ மீன் பிடிக்க முடியாது
காவிரி ஆறு உன்னுடையது ஆனால் உனக்கு தண்ணீர் கிடையாது
முல்லைப்பெரியாறு உன்னுடையது ஆனால் உன்னால் நீரை தேக்க முடியாது
நெய்வேலி உன்னுடையது ஆனால் 75% மின்சாரம் வெளி மாநிலத்திற்கு
கோவில்கள் உன்னுடையது ,ஆனால் தமிழில் வழிபட முடியாது
நீதிமன்றத்தில் வழக்கு உன்னுடையது ,ஆனால் தமிழில் வழக்காட முடியாது
அரசுப் பள்ளிகள் உன்னுடையது ,ஆனால் தமிழில் உயர்கல்வி கற்க முடியாது
தமிழ்நாடு உன்னுடையது ,ஆனால் தமிழா! நீ அதை ஆள முடியாது!
இன்னும் எத்தனை நாளைக்கு இதை உணராமல்
அடிமையாகவே கிடக்கப் போகிறாய் தமிழா!

•வாஜ்பேய் நல்லவரா?

•வாஜ்பேய் நல்லவரா?
வாஜ்பேய் நல்லவர். ஆனால் தவறான கட்சியில் இருந்தார் என்கிறார்கள்.
ஒரு நல்லவர் எப்படி தவறான கட்சியில் இருக்க முடியும்? என்று கேட்டால் அவர் ஒரு சுதந்திர போராட்ட வீரர் என்கிறார்கள்.
காட்டிக் கொடுத்தவர் எப்படியடா சுதந்திர போராட்ட வீரர் என்று அழைக்கலாம்? என்று கேட்டால் பதில் சொல்லாமல் முழிக்கிறார்கள்.
இதோ நீதிமன்றத்தில் வாஜ்பாய் கொடுத்த வாக்குமூலம்,
"எனது தந்தை பெயர் கவுரிசங்கர். நான் குவாலியர் கல்லூரியில் படித்துள்ளேன். நான் பிராமண சமூகத்தை சேர்ந்தவன்.ஆக்ரா மாவட்டம் பட்டேஸ்வர் கிராமத்தை சேர்ந்தவன்.
1942 ஆகஸ்ட் 27ம் தேதி மதியம் 2 மணி இருக்கும். காகு,மகுன் என்ற இருவரும் ஊர்ச்சாவடி அருகில் வந்தனர் வனத்துறை அலுவலகத்தை உடைக்கவேண்டும் என மக்களிடம் வேண்டுகோள் விடுத்தனர். இருநூறுக்கும் மேற்பட்டோர் திரண்டனர்.
நானும், எனது தம்பியும் பின் தொடர்ந்து சென்றோம். பாதி தூரம் சென்றதும் நின்று கொண்டோம்.
வனத்துறை அலுவலகம் இடிக்கப்பட்டது .உடைந்த செங்கல்கள் விழுவதைப் பார்த்தோம்.ஆடு,மாடுகளை அவிழ்த்துவிட்டனர். தடுப்புகள் உடைக்கப்பட்டது. நாங்கள் அருகில் செல்லவில்லை. காகு,மகுன் மற்றும் ஊர் மக்கள்தான் இதற்குக் காரணம்."
இந்த வாக்குமூலத்திற்குப்பிறகு அந்த ஊர் என்ன கதியானது தெரியுமா?
வாஜ்பாய் நீதிமன்றத்தில் ஊர் மக்களைக் காட்டிக்கொடுத்து வாக்குமூலம் கொடுத்தவுடன் பட்டேஸ்வர் கிராமத்தை போலீஸ்
சுற்றி வளைத்தது.
263 வீடுகள் முற்றிலுமாக அடித்து நொறுக்கப்பட்டது. காகு,மகுன் ஆகிய இருவரும் இரும்புச்சங்கிலியால் கட்டி இழுத்துச்செல்லப்பட்டனர். 300 க்கும் மேற்பட்ட மக்கள் கைது செய்யப்பட்டுசித்தரவதை
செய்யப்பட்டனர்.
காகு,மகுனுக்கு 5 ஆண்டு சிறைத்தண்டனை விதிக்கப்பட்டது.ஊருக்கு 10,000 ஆயிரம் அபராதம் விதிக்கப்பட்டது.
65 ஆண்டுகளுக்கு முன்பு அந்தத்தொகை மிகப்பெரியது. ஊர் மக்களால் கட்ட முடியவில்லை. எனவே பொதுமக்கள் மேலும் சித்ரவதை செய்யப்பட்டனர்.
இதில் முக்கியமான விஷயம் என்னவென்றால் அந்த ஊரில் முஸ்லிம் களோ, கிறிஸ்தவர்களோ யாரும் இல்லை. முற்றிலும் இந்து மக்கள் தான்.
அந்த இந்து மக்களை காட்டிக் கொடுத்தவர்தான் இந்து தலைவர் வாஜ்பேய். காட்டிக் கொடுத்ததற்கு அவருக்கு பாரதரத்னா விருது வழங்கப்பட்டுள்ளது.
அதேநேரம் தமிழ்நாட்டில் ஒரு இளைஞர் கைது செய்யப்பட்டார். கூட இருந்தவர்களை காட்டித் தரும்படி அவருக்கு சித்திரவதை செய்யப்பட்டது. அவரது மீசை மயிர்கள் தீயினால் சுடப்பட்டது. ஆனாலும் அவர் சிறைவாசத்தை அனுபவித்தார்.
அந்த இளைஞர் கம்யுனிஸ்ட் கட்சி தலைவர் நல்லகண்ணு. அவருக்கு பாரத ரத்னா விருதும் இல்லை. அவர் இன்றைக்கும் அரச மருத்துவமனையில்தான் சிகிச்சை பெறுகிறார்.