வாழ்த்துக்கள்!

•வாழ்த்துக்கள்! குக் வித் கோமாளிகள் நிகழ்ச்சியில் முதற் பரிசு பெற்ற கனி அவர்களுக்கு வாழ்த்துக்கள். ஆரம்பம் முதல் இறுதிவரை அவர் தமிழக உணவு வகைகளையே சமைத்தார். அதனால் அவர் “காரக் குழம்பு கனி அக்கா” என கேலி செய்யப்பட்டார். ஆனாலும் அவர் இறுதியில் தமிழக உணவுகளுக்கு வெற்றி பெற்றுக் கொடுத்திருக்கிறார். பாராட்டுகள். தனது வெற்றியானது தன்னைப்போல் வீட்டில் சமைத்துவிட்டு அங்கீகாரத்தை எதிர்பார்க்கும் அனைத்து பெண்களுக்குமானது என்று அவர் கூறியிருக்கிறார். பிக்பாஸ் போன்று அதிக செலவு இல்லை. கமலஹாசன் போன்று பிரபல தொகுப்பாளர் இல்லை. ஆனாலும் பிக்பாஸை விட அதிக புகழ் பெற்றுள்ளது இந்த நிகழ்ச்சி. ஒரு சமையல் நிகழ்ச்சி இந்தளவு பிரபலம் பெற முடியுமா என ஆச்சரியப்பட வைக்கிறது. இந்த நிகழ்வில் பங்குபற்றிய கோமாளி ஒருவருக்கு நிகழ்ச்சி முடிவதற்குள் ஏழு சினிமாபட வாய்ப்பு வந்துவிட்டது. போறபோக்கைப் பார்த்தால் அடுத்த குக் வித் கோமாளியில் கமலஹாசன் ஒரு சமையல்காரராக வந்தாலும் ஆச்சரியப்படுவதற்கில்லை.