தமிழ்நாட்டு தலைவர்கள் “கோமாளிகளா” அல்லது அவர்களை நம்பும் மக்கள் “ஏமாளிகளா”?

தமிழ்நாட்டு தலைவர்கள் “கோமாளிகளா” அல்லது அவர்களை நம்பும் மக்கள் “ஏமாளிகளா”?

தமிழ்நாட்டு அரசியல் தலைவர்கள் “கோமாளிகள்” என்று முன்னாள் ராணுவ தளபதி சரத்பொன்சேகா கூறியிருந்தார். ஒரு ராணுவ தளபதி அரசியல் தலைவர்களை அதுவும் எமது தலைவர்களை எப்படி கோமாளிகள் என்று கூறலாம் என நானும் அப்போது ஆத்திரப்பட்டேன். அனால் இன்று எமது தலைவர்கள் நடந்து கொள்வதைப் பார்க்கும்போது அவர் சரியாகத்தான் கூறியிருக்கிறார் என நினைக்கத் தோன்றுகிறது.

காங்கிரஸ் தலைவர் சல்மான் குருஸ்டி படுகொலை செய்யப்பட்ட பாலச்சந்திரன் படங்கள் உண்மையானவை அல்ல என சந்தேகம் தெரிவிக்கிறார். அத்துடன் இலங்கை அரசு தமது நல்ல உற்ற நண்பன் என்கிறார். ஆனால் அந்த காங்கிரஸ் ஆட்சியில் அங்கம் வகிக்கும் கலைஞர் தனது நெஞ்சு வெடிக்கிறது என்றும் மகிந்தவை போர்க் குற்றவாளி என்றும் அறிக்கை விடுகிறார்.

படுகொலைகளுக்கு ஆயுதம் வழங்கி முழு உதவி செய்தது இந்திய அரசு. இன்றும் மகிந்தவை பாதுகாத்து வருவது இந்திய அரசே. ஆனால் அதே அரசிடம் மகிந்தவை தண்டிக்கும்படி கோரும் தலைவர்களை “கோமாளிகள்” என்பதா அல்லது அத் தலைவர்களை இன்னும் நம்பிக் கொண்டிருக்கும் மக்களை “ஏமாளிகள்” என்பதா?