ஒரு சிங்கள அரசியல்வாதிக்கு அஞ்சலி செலுத்துவது ஆச்சரியமாக இருக்கிறது.

கடந்த வருடம் இதே காலப்பகுதியில் லண்டனில் ஈஸ்ட்காமில் ஆனந்தபவன் சாப்பாட்டு கடையில் மதிய உணவு சாப்பிட்டுக்கொண்டிருந்தவேளையில் எனது நண்பர் ஒருவர் ஜெலத் ஜெயவர்த்தனாவை எனக்கு அறிமகப்படுத்தினார். முள்ளிவாய்க்கால் படுகொலைகளுக்கு பின்னர் குட்டி யாழ்பாணம் என அழைக்கப்படும் இந்த ஈஸ்ட்காம் பகுதியில் சாதாரண சிங்கள மக்களே நடமாட அச்சப்படும் இந்த வேளையில் ஒரு சிங்கள அரசியல்வாதி அதுவும் முன்னாள் அமைச்சரும, பாராளுமன்ற உறுப்பினரும் ஆகிய ஜெலத் ஜெயவர்த்தனா எவ்வித அச்சமின்றி நடமாடியது அவர் தமிழ் மக்கள் மேல் வைத்திருந்த நம்பிக்கையை எடுத்துக்காட்டியது.

என்னை நண்பர் அறிமுகப்படுத்தியபோது எனது கையைப் பிடித்து குலுக்கியதோடு தனது விசிட்டிங்கார்ட்டை தந்து இலங்கை வரும்போது மறக்காமல் தன்னை சந்திக்கும்படி கேட்டுக்கொண்டார். அவர் எளிமையானவர். தமிழ் மக்களுடன் நிறைய நட்புகளும் தொடர்புகளும் கொண்டிருந்தார். அவர் அமைச்சராக இருந்தபோது அமைச்சர் டக்ளஸ் தேவானந்தாவினால் ஆரம்பித்து வைக்கப்பட்டது என்பதற்காக யாழ் தகவல் தொழில் நுட்ப பூங்காவை மூடப்போகிறார் என பரவாலாக வதந்தி பரவியிருந்தது. இதனால் எனது பத்திரிகை நண்பர் ஒருவர் மூலம் அவ்வாறு செய்ய வேண்டாம் என அவரிடம் தெரிவிக்கும்படி கேட்டுக்கொண்ட போது அமைச்சர் ஜெலத் ஜெயவர்த்தனா “ டக்ளஸ் எனக்கும் நல்ல நண்பர்தான். அதுமட்டுமல்ல இது தமிழ் மக்களுக்கு நன்மை தரும் ஒரு நல்ல விடயம். எனவே அதனை நான் குழப்ப மாட்டேன்” என உறுதியளித்தார். அதன்படி அவர் அமைச்சராக இருந்த காலத்தில் நடந்து கொண்டார்.

என்னதான் தனிப்பட்ட முறையில் ஜெலத் ஜெயவர்த்தனா நல்லவராக இருப்பினும் அவர் தமிழ் மக்கள் மீது அனுதாபம் கொண்டிருந்தாலும் அவர் அங்கம் வகித்த ஜ.தே. கட்சியானது ஒரு முதலாளித்துவ கட்சி என்பதுடன் தமிழ் மக்கள் மீது இன ஒடுக்குமுறையை மேற்கொண்ட கட்சி. அக் கட்சியின் ஆட்சிக்காலத்திலேதான் பல கலவரங்களும் கொலைகளும் நடத்தப்பட்டன. சிறைப் படுகொலை மற்றும் யாழ் நூலக எரிப்பு போன்றவை தமிழ் மக்களால் மறக்க முடியாதவை. இவரும் அக் கட்சியில் அமைச்சராக இருந்துள்ளபடியால் அதற்கு இவரும் பொறுப்பானவராகவே கருதப்படவேண்டும். இன்றும்கூட இவரது கட்சி தமிழ் மக்களுக்கு சம உரிமை வழங்க தயாராக இல்லை என்பதே உண்மையாகும்.

ஜெலத் ஜெயவர்த்தனா நல்லவரா இல்லையா என்பதை விட அவரின் மறைவுக்கு பல தமிழ் தேசியவாளர்கள் என தம்மை கூறிக்கொள்வோர் ஆஞ்சலி செலுத்தி வருவது கவனிக்க தக்கது. தமிழ் சிங்கள உழைக்கும் மக்களின் ஜக்கியம் குறித்து நாம் பேசியபோது தமிழ் மக்கள் மீது அனுதாபம் கொண்ட ஒரு சிங்களவனைக் காட்ட முடியுமா என சவால் விட்ட இவ் தமிழ் தேசிய உணர்வாளர்கள் ஒரு சிங்கள அரசியல்வாதிக்கு அஞ்சலி செலுத்துவது ஆச்சரியமாக இருக்கிறது.

இது பயங்கரவாதமா? அல்லது பாதிக்கப்பட்ட மக்களின் பதிலடியா?

• சதீஸ்ட்;கரில் நக்சலைட் தாக்குதல் - 23 பேர் பலி
இது பயங்கரவாதமா? அல்லது
பாதிக்கப்பட்ட மக்களின் பதிலடியா?

இது கருப்பு தினம் என்கிறார் பிரதமர். இது காங்கிரஸ் மீதான தாக்குதல் அல்ல ஜனநாயகத்தின் மீதான தாக்குதல் என்கிறார் ராகுல் காந்தி. அத்வானி ஓடிச் சென்று பாதிக்கப்பட்ட காங்கிரஸ் தலைவரை பார்வையிடுகிறார். இவாவாறு அனைத்து ஆளும்வர்க்க தலைவர்களும் சம்பவத்தைக் கண்டிக்கிறார்களேயொழிய சம்பவத்திற்கான காரணம் குறித்து கருத்து எதுவும் கூறாமல் மௌனம் சாதிக்கின்றனர்.

காங்கிரஸ் உருவாக்கிய சல்வாஜீடும் அதன் பிதாமகர் மகேந்திரகர்மாவுமே தாக்குதல் இலக்காக இருந்திருக்கிறது. சல்வாஜீடும் என்பது என்றால் அமைதி வேட்டை என்று பொருள். இவர்களுக்கு அரசே ஆயுதம் கொடுத்தது. டாடா எஸ்ஸார் போன்ற பெருமுதலாளி குழுமங்கள் இந்த படைக்கான செலவை ஏற்றுக்கொண்டனர்.

சல்வா ஜுடும் ஊர் ஊராகச் சென்று மக்களைக் கிராமங்களிலிருந்து விரட்டியடித்தது. எண்ணற்ற கொலையையும் கணக்கிலடங்கா கற்பழிப்பிலும் ஈடுபட்டது. தண்டகாரண்யப் பகுதியில் மட்டும் 660 கிராமங்களுக்கு மேல் காலி செய்யப்பட்டன. 50,000 மக்கள் முகாம்களில் அடைக்கப்பட்டார்கள். மூன்றரை இலட்சம் மக்கள் காணாமற் போய் விட்டார்கள். இன்று வரை அவர்களைக் காணவில்லை. இதெல்லாம் அங்கே நடந்த கொடூரத்தில் பாதி தான் முழுமையாக நடந்தது இன்றுவரை யாருக்கும் தெரியாது. 2011 ஆண்டு உச்சநீதிமன்றம் சல்வா ஜுடுமை சட்டம் மற்றும் அரசியலமைப்பிற்கு விரோதமானது என்று தீர்ப்பளித்து தடை செய்தது. ஆனால் அதற்குள் அங்கே எல்லாம் நாசமாகிவிட்டது. பல ஆயிரம் உயிர்களும் பல லட்சம் குடும்பங்களும் பல கோடி பெறுமானமுள்ள காடுகளும் நாசமாகிவிட்டன.

இத்தனை கொடுமைகளை செய்த சல்வா ஜுடுமை உருவாகிய மகேந்திர கர்மாவை குறிவைத்து தான் நேற்றைய தாக்குதல் நடைபெற்றிருக்கிறது. தங்கள் மக்களின் மிகக்கொடிய அழிவிற்கு காரணமானவர்களை அழித்திருக்கிறார்கள் அம்மண்ணின் மக்கள்.

# காங்கிரஸ் என்ற கட்சி தங்கள் அரசியல் லாபங்களுக்காக என்ன வேண்டுமென்றாலும் செய்யும் என்பதற்கு ஒரு சாட்சி தான் சல்வா ஜுடும்.கீழே உள்ள படத்தைப்பாருங்கள். அம் மக்களின் வலி புரியும். ஏன் இவ்வாறான சம்பவங்கள் நடக்கின்றன என்பதன் நியாயம் தெரியும்.

• “எல்லா உயிர்களிமும் அன்பு செலுத்துங்கள், தமிழனைத் தவிர”- (சிங்கள) புத்த பெருமா

• “எல்லா உயிர்களிமும் அன்பு செலுத்துங்கள், தமிழனைத் தவிர”- (சிங்கள) புத்த பெருமான்

சிங்கள பிக்கு தீக்களிப்பு

இலங்கையில் கண்டி தலதா மாளிகை- பௌத்த விகாரைக்கு முன்பாக பிக்கு ஒருவர் தீக்குளித்துக் கொண்டுள்ளார்.ஆடு, மாடுகள் கொல்லப்படுவதற்கு எதிர்ப்பு தெரிவித்தே இந்தப் பிக்கு தன்மீது பெற்றோலை ஊற்றி எரித்துக்கொண்டுள்ளார்.

மோசமான எரிகாயங்களுக்கு உள்ளான அவரை அருகில் நின்றவர்கள் கண்டி மருத்துவமனையில் சேர்த்துள்ளனர்.அவர் பின்னர் கொழும்பு தேசிய மருத்துமனைக்கு கொண்டுசெல்லப்பட்டுள்ளதாக உள்ளூர் ஊடகங்கள் தெரிவித்துள்ளன.

இலங்கையில் மிருக பலி பூஜைகளைத் தடுக்க வேண்டும் என்று கடந்த காலங்களில் முன்னேஸ்வரம் இந்துக் கோயிலுக்கு முன்னால் பௌத்த பிக்குகள் போராட்டம் நடத்தியிருந்தனர்.
அதேபோல ஆடு, மாடுகள் இறைச்சிக்காக வெட்டப்படுவதைத் தடுக்க வேண்டும் என்றும் சில பௌத்த அமைப்புகள் குரல் கொடுத்துவந்துள்ளன.

அங்கு, கடும்போக்கு பௌத்த அமைப்பான பொது பல சேனா கடந்த காலங்களில் சர்ச்சைக்குரிய பல கருத்துக்களை கூறிவந்துள்ளது.
பௌத்தர்களுக்கு முக்கியமான வெசாக் முழுமதி நாளான இன்று வெள்ளிக்கிழமை பௌத்த பிக்கு தீக்குளித்துக் கொண்டுள்ளமை குறிப்பிடத்தக்கது.

முள்ளிவாயக்காலில் ஆயிரக்கணக்கில் தமிழ் மக்கள் கொல்லப்பட்டபோது ஒரு உயிர் கொல்லப்படுகிறதே என்றோ அல்லது சித்திரவதை செய்யப்படுகிறதோ என்று ஒரு பிக்குவும் தீக்குளிக்கவில்லை. கண்டிக்கவும் இல்லை. ஆனால் இப்போது இந்து ஆலயங்களில் நடக்கும் மிருக பலிக்கும, முஸ்லிம்கள் சாப்பாட்டிற்காக மாடுகளை வெட்டுவதையும் எதிர்ப்பதற்காக உயிர்வதைகளுக்கு எதிராக தீக்குளிப்பதாக கூறுவதைப் பார்க்கும்போது ஒருவேளை புத்தர் “எல்லா உயிர்களிடமும் அன்பு செலுத்துங்கள், தமிழனையும் முஸ்லிமமையும் தவிர” என்று கூறியிருப்பாரோ என நினைக்க தோன்றுகிறது.

• மார்பக புற்றுநோய் பற்றிய விழிப்புணர்வு தேவை!

• மார்பக புற்றுநோய் பற்றிய விழிப்புணர்வு தேவை!

உலகில் ஜந்தில் ஒரு பெண்கள் மார்பக புற்று நோயால் பாதிக்கப்படுவதாக ஒரு கணிப்பு கூறுகிறது. அதுவும் இந்தியாவில் மட்டும் ஆண்டுதோறும் சுமார் இரண்டு லட்சம் பெண்கள் இந்த கொடிய நோயால் பாதிக்கப்படுவதாக கூறப்படுகிறது. இது பற்றிய விழிப்புணர்வு இன்மையே இதற்கு காரணம் என மருத்துவர்கள் தெரிவிக்கின்றார்கள்.
இந்த மார்பக புற்றுநோய் ஆரம்ப நிலையில் கண்டறியப்பட்டால் குணப்படுத்த முடியும் என்றும் ஆனால் நோய் முற்றிவிட்டால் மரணம் தவிர்க்க முடியாதது என்றும் மருத்துவர்கள் தெரிவிக்கின்றனர். துரதிருஸ்டவசமாக பெண்கள் போதிய விழிப்புணர்வு இன்மையால் ஆரம்பத்திலேயே இதனைக் கண்டறிந்து மருத்துவம் பெற தவறிவிடுவதுடன் வீணாக மரணத்தைத் தழுவுகின்றனர்.

அண்மையில் கொலிவூட் நடிகை ஏஞ்சலினா மார்பக புற்றுநோய் வரக்கூடும் என அஞ்சி தனது மார்பகங்களை அகற்றியது உலக அளவில் கவனத்தை ஈர்த்துள்ளது. ஒரு புகழ்பெற்ற நடிகை தனது சினிமா வாய்ப்பு பாதிக்கப்படுமோ என அஞ்சாது தனது மார்பகங்களை அகற்றியதுடன் அதனை மீடியாக்களுக்கும் தெரிவித்துள்ளார். அவரது தாயார் இந்த கொடிய நோயால் பாதிக்கப்பட்டு இறந்ததால் தனக்கும் இந் நோய் வரக்கூடும் என அஞ்சிய அவர் மருத்துவர்களின் ஆலோசனையுடன் இதனைச் செய்துள்ளார்.

மார்பக புற்று நோய் வருவது பரம்பரைக் காரணம் ஜம்பது வீதம் என்றாலும் கூட அவர் அது வந்த பின் குணமாக்குவது கடினம் என்பதை புரிந்து கொண்டு முதலே மார்பகத்தை அகற்றி அந்த கொடிய நோயின் ஆபத்தில் இருந்து தன்னைக் காப்பாற்றியுள்ளார். அவரது இந்த செயல் உலகில் ஒரு விழிப்புணர்வை ஏற்படுத்தும் என நம்பப்படுகின்றது. இவருக்கு 3 குழந்தைகள் உண்டு. அதுமட்டுமல்ல மேலும் 5 ஏழைக் குழந்தைகளை தத்து எடுத்து வளர்க்கிறார். அந்த குழந்தைகள் அனாதைகள் ஆகிவிடக்கூடாது என்பதற்காக அவர் இவ்வாறு தனது மார்பகங்களை அகற்றி அந்த கொடிய நோயில் இருந்து தன்னை காப்பாற்றியுள்ளார். அவர் போல் எல்லா பெண்களும் இது குறித்து விழிப்புணர்வு கொள்ள வேண்டும்.

மார்பக புற்றுநோய் இருப்பதை தொடக்க நிலையில் கண்டறியும் “மம்மோகிரபி” என்னும் சோதனைக்கான செலவு கொஞ்சம் அதிகம்தான். அதனாலேயே வறிய பெண்கள் அந்த சோதனை செய்ய முடியாமல் உள்ளனர். எனவே அரசு இதனை இலவசமாக வழங்குவதுடன் இது குறித்து பெண்களுக்கு பாரிய பிரச்சாரம் செய்ய வேண்டும். பல்வேறு அமைப்புகள் இதனை பெண்கள் மத்தியில் கொண்டு செல்ல வேண்டும்.

லண்டனில் மனித உரிமை போராட்டங்களை முன்னெடுத்து வரும் முன்னாள் பெண் போராளி ஒருவருக்கும் இக் கொடிய நோய் தாக்கியிருப்பதாக அறிய வருகிறது. எனவே நாளை உங்கள் தாயாருக்கோ அல்லது சகோதரிக்கோ ஏன் மனைவிக்கோ கூட வரலாம். எனவே உடனடியாக ஆரம்பத்pலேயே பரிசோதனை செய்து மருத்துவம் பெற்றுக்கொள்ள வழி செய்யுங்கள். அனைவரும் விழிப்புணர்வு பெற்றால் இந்த கொடிய நோயை எதிர்காலத்தில் கட்டுப்படுத்த முடியும்.

இதுதான் மகிந்த சிந்தனையா? அல்லது வடக்கின் வசந்தமா?

இதுதான் மகிந்த சிந்தனையா?
அல்லது வடக்கின் வசந்தமா?

தாண்டிக்குளத்தில் ஒரு பெண் வறுமைகாரணமாக தன் குழந்தைகளை கிணற்றில் வீசிக் கொன்றதுடன் தானும் தற்கொலைக்கு முயன்றிருக்கிறார். அவருக்கு மெண்டல் என்று கூறி ஆஸ்பத்திரியில் வைத்துள்ளனர். ஏற்கனவே நியாயம் கேட்ட ஒரு மருத்துவர் மெண்டல் என முத்திரை குத்தப்பட்டு சிறையில் அடைக்கப்பட்டிருக்கிறார். அவர் இன்னும் விடுதலை செய்யப்படவில்லை.

நெடுங்கேணியில் ஏழுவயது சிறமி பாலியல் வல்லுறவுகுள்ளாக்கப்பட்டிருக்கிறார். அது குறித்து மக்கள் ஆர்ப்பாட்டம் நடத்தியும் இதுவரை எந்தவித நடவடிக்கையும் எடுக்கப்படவில்லை. இதுபோல் தினமும் பல்வேறு செய்திகள் வருகின்றன. இது தமிழ் பகுதிகளில் மட்டுமன்றி சிங்களப் பகுதிகளிலும் இவ்வாறே நிகழ்கின்றன. இது தான் வடக்கின் வசந்தமா? அல்லது மகிந்த சிந்தனையா?

சர்மிளா சயித் என்ற முஸ்லிம் பெண்மனி விபச்சாரத்தை சட்ட ரீதியாக்குங்கள் என்றார். அவர் விபச்சாரத்தை விரும்புவர் அல்ல என்றாலும் அத் தொழிலை செய்யும் பெண்கள் மீது இரக்கம் கொண்டு இக் கோரிக்கையை வைத்தார். ஆனால் அடிப்படைவாதிகளின் கடும் எதிர்ப்பால் அவர் தலை மறைவாக வாழ வேண்டிய நிலை ஏற்பட்டுள்ளது.

தற்போது விபச்சாரம் செய்யும் பெண்களுக்கு அசிட் வீசப்படும் என ஒரு பௌத்த அமைப்பு நீர்கொழும்பு பகுதிகளில் சுவரொட்டி ஒட்டியுள்ளது. எந்த பெண்ணுமே விரும்பி விபச்சாரம் செய்வதில்லை. அவர்கள் அத் தொழிலுக்கு தள்ளப்படுகின்றனர். அவர்களுக்கு வாழ வழிசெய்ய முடியாத சமூகத்திற்கு தண்டனை கொடுக்க என்ன தகுதி இருக்கிறது?

பெண்கள் மீது என்றுமில்லாத ஒடுக்குமுறைகள் கட்டவிழ்த்து விடப்படுகின்றன. அவர்கள் பாதுகாப்பற்ற நிலையில் இருக்கின்றனர். இது குறித்து பெண்கள் அமைப்புகள் எழுப்பும் குரல்களை அரசு மதிப்பதில்லை. வெள்ளைவானைக் காட்டி மிரட்டுகிறது.
விலைவாசி ஏறுகிறது. போதிய அபிவிருந்தி நிகழவில்லை. ஆட்சியாளர்கள் மக்கள் பணங்களை கொள்ளையடிக்கின்றனர். மாபெரும் மக்கள் போராட்டங்கள் எதிர்வரும் காலங்களில் நிகழ இருக்கின்றன. காலம் மாறும். வெள்ளை வானில் கோத்தா கும்பல் ஏற்றப்படும் நிலை நிச்சயம் தோன்றும். இது உறுதி.

ராஜீவ் காந்தி மரணம்

ராஜீவ் காந்தி மரணம்

1991ம் ஆண்டு மே மாதம் 22ம் திகதி அதிகாலையில் வழமைக்கு மாறாக நான் அடைத்து வைக்கப்ட்டிருந்த மதுரை சிறையில் பாதுகாப்பு அதிகரிக்கப்ட்டிருந்தது. இது குறித்து காவல் நின்ற அதிகாரியிடம் கேட்ட போது ராஜீவ் காந்தியைக் கொன்றுவிட்டார்கள் என்றார். இதைக் கேட்ட நான் சந்தோச மிகுதியில் அந்த அதிகாரிக்கு கைகுலுக்கிவிட்டேன். இந்த தகவல் உடனடியாக உயர் அதிகாரிகள் மற்றும் உளவுத் துறையினருக்கு சென்றுவிட்டது. அதன் பலன் அடுத்தநாள் பல உயர் அதிகாரிகள் முன்னிலையில் நான் விசாரிக்கப்பட்டேன்.

அமைதிப்படை என்னும் பெயரில் வந்த இந்திய ராணுவத்தால் நான் மூன்று தடவை துன்புறுத்தப்பட்டேன். எனது ஊரில் ஒரு ஆசிரியரின் மனைவி கற்பழிக்கப்ட்டார். எனது அயல் கிராமத்தில் இருந்த ஒரு ஜயர் பெண் கற்பழிக்கப்பட்டது மட்டுமன்றி மருத்துவமனைக்கு எடுத்து செல்லப்பட்டபோது காரினுள் வைத்து தீயிட்டு கொல்லப்பட்டார். அதுமட்டுமன்றி எமது ஊரில் அனைவருக்கும் தெரிந்த ஒரு 70 வயதான பையித்தியக்காரக் கிழவiனை சுட்டுக் கொன்றுவிட்டு மூத்த விடுதலைப் புலி உறுப்பினர் கொல்லப்பட்டதாக கூறினார்கள். இவ்வாறு என் கண் முன்னே நிகழ்ந்த இவ்வளவு கொடுமைகளுக்கும் காரணமான ஒருவர் கொல்லப்படும்போது நான் மகிழ்வு கொள்ளாமல் இருக்கமுடியுமா என அவ் அதிகாரிகளிடம் தெரிவித்தேன்.

ஜம்பதாயிரத்திற்கு மேற்பட்ட அப்பாவி தமிழ் மக்கள் கொல்லப்பட்டார்கள். பல கோடி ரூபா பெறுமதியான சொத்துகள் அழிக்கப்ட்டன. பல பெண்கள் கற்பழிக்கப்ட்டார்கள். 80வயது கிழவியைக்கூட கற்பழித்த பெருமை இந்திய அமைதிப்படையையே சேரும். ராஜீவ் காந்தியை கொன்ற தானு கூட இந்திய ராணவத்தால் கற்பழிக்கப்பட்டவர் என்று கூறுகின்றனர். ஆனால் அது எந்தளவுதூரம் உண்மை என்று அறிய முடியவில்லை. எனினும் இந்த கொலை ஒட்டு மொத்த பாதிப்படைந்த அப்பாவி மக்களின் வெளிப்பாடே என்பது மறுக்க முடியாத உண்மையாகும். அதனால்தான் ராஜீவ் காந்தி இறந்துவிட்டார் என்றதும் யாழ்ப்பாண குடா நாடெங்கும் ஆயிரக் கணக்கான மக்கள் இனிப்பு வழங்கி மகிழ்ச்சியைக் கொண்டாடினார்கள். ஒருவருடைய மரணம் இனிப்பு வழங்கி மக்களால் கொண்டாடப்பட்டது என்பதை முதன் முதலாக அன்றுதான் நான் அறிந்தேன். இதிலிருந்தே அமைதிப்படை செய்த கொடூரத்தை புரிந்து கொள்ள முடியும் என நம்புகிறேன்.

ஒரு கம்யுனிஸ்ட் என்ற வகையில் தனி மனித கொலைகள் தீர்வாகாது என்று கருதுபவன் நான். ரஸ்சியாவில் ஜார் மன்னனை கொல்ல முயன்று மரண தண்டனைக்குள்ளான தனது சகோதரன் பாதையை தோழர் லெனின் தவறு என்று கூறியுள்ளதை நான் படித்திரக்கிறேன். ஆனால் ராஜீவ் காந்தியைக் கொன்றதாலேயே இந்தியா எமக்கு உதவவில்லை. இல்லையேல் இந் நேரம் ஈழம் மலர்ந்திருக்கும் என சிலர் அப்பாவித்தனமாக தொடர்ந்து சொல்லி வருகின்றனர். அவர்களுக்கு நாம் சொல்ல விரும்புவது என்னவெனில் ராஜீவ்காந்தி கொல்லப்பட்டிருக்காவிட்டாலும் ஈழம் மலர்ந்திருக்காது. ஏனெனில் இந்திய அரசு ஒருபோதும் ஈழத்தை அங்கீகரிக்கவில்லை என்பது மட்டுமல்ல ராஜீவ் கொல்லப்படுவதற்கு முன்னரே புலிகள் இயக்கம் உட்பட அனைத்து இயக்கங்களையும் அழிக்கும் முயற்சியில் இந்திய உளவுப்படை “றோ” இறங்கிவிட்டதை நாம் அறிந்து கொள்ள வேண்டும்.

ராஜீவ் காந்தியைக் கொன்றவர்களுக்கு தண்டனை வழங்க வேண்டும் சிலர் கோரி வருகின்றனர். அப்படியாயின் முதலில் அமைதிப்படை என்ற பெயரில் வந்து அக்கிரமம் செய்த இந்திய ராணுவத்திற்கும் அதற்கு பொறுப்பானவர்களுக்கும் தண்டனை வழங்குங்கள். அதன் பின் ராஜிவ் கொலையை விசாரியங்கள். அதைவிடுத்து “நாம் பலமானவர்கள். நாம் அப்படித்தான் திமிர்தனமாக நடந்து கொள்வோம். நீங்கள்தான் நாம் செய்யும் அக்கிரமங்களை பொறுத்து தொடர்ந்தும் எமக்கு அடிமையாக இருக்க வேண்டும்” என்ற கருதுவீர்களாயின் ராஜீவ் கொலை போன்ற பதிலடிகள் தொடரவே செய்யும்.

இது அறியாமையா ? அல்லது பணத் திமிரா?

இது அறியாமையா ? அல்லது பணத் திமிரா?

ஒரு பெண் வயசுக்கு வந்த நிகழ்வை கெலிகொப்டரில் பறக்க வைத்து ஆடம்பரமாக கொண்டாடிய புலம் பெயர் தமிழ் குடும்பம். இதை அறியாமை என்பதா அல்லது பணத் திமிர் என்பதா?

உலகம் பூராவும் தமிழர்கள் மட்டுமன்றி மனித உரிமையாளர், உணர்வாளர்கள் என்று பல்லாயிரக் கணக்கானோர் முள்ளிவாய்க்காலில் இறந்த மக்களுக்கு அஞ்சலி செலுத்திவரும் இந்த நேரத்தில் தமது பெண் வயசுக்கு வந்த நிகழ்வை பெரும் ஆடம்பரமாக தமிழ் குடும்பம் ஒன்று புலம்பெயர் நாடு ஒன்றில் கொண்டாடியுள்ளது. பல லட்சம் ரூபா செலவு செய்து நடத்தப்பட்ட இந்த பொறுப்பற்ற நிகழ்வு அனைவராலும் கண்டிக்கப்பட்டிருப்பது ஆறுதல் தருகிறது. இவ்வாறு கண்டிப்பதன் மூலமே இனியும் இதுபோன்ற நிகழ்வுகள் இடம்பெறாமல் தடுக்க முடியும்.

நாட்டில் வாழ வழியின்றி பல பெண்கள் குழந்தைகளுடன் தற்கொலை செய்கிறார்கள். சில முன்னாள் பெண் போராளிகள் விபச்சாரம் செய்வதாகக் கூட செய்திகள் வருகின்றன. இவ்வாறு நாட்டில் நிலைமை இருக்க அது பற்றி கொஞ்சம் கூட அக்கறை இன்றி பொறுப்பற்ற முறையில் நடைபெறும் இம்மாதிரியான நிகழ்வுகள் நிச்சயம் அனைவராலும் கண்டிக்கப்பட வேண்டும். இவ்வாறானவர்கள் சமூகத்தில் ஒதுக்கப்பட வேண்டும். அப்பதான் இம்மாதிரியாக நோய் பரவுவதை தடுக்க முடியும்.

தமிழகத்தில் பலர் ஈழத் தமிழர்களுக்காக தீக்குளித்து இறக்கின்றனர். மாணவர்கள் தங்கள் வாழ்வை பணயம் வைத்து போராடுகின்றனர். ஆனால் புலத்தில் உள்ள சிலர் கொஞ்சம் கூட பொறுப்பற்ற தனமாக செலவு செய்வது மட்டுமன்றி தமிழ் இனத்தின் போராட்டத்திற்கே களங்கம் விளைவிக்கின்றனர்.

பெண் வயசுக்கு வருவது என்பது உடலில் எற்படும் ஒரு சாதாரண மாற்றம். அதற்கு இவ்வளவு பணம் செலவு செய்து ஆடம்பரமாக நிகழ்வு நடத்த வேண்டுமா? இந்த முட்டாள்தனத்தை போக்க ஒரு பெரியார் அல்ல ஆயிரம் பெரியார் பிறந்து வந்தாலும் இவர்களை திருத்த முடியாது. ஏனெனில் இவர்கள் சாதாரண முட்டாள்கள் அல்ல , உலகிலேயே மிகவும் மோசமான அடி முட்டாள்கள்!

இந்த நிகழ்வை பார்க்க விரும்புவோர் கீழ்வரும் இணைப்பை கிளிக் செய்யவும்.

https://www.facebook.com/photo.php?v=243580605785191