ஜெயா அம்மையார் தனது உயிருக்கு ஆபத்து என்று குறிப்பிட்ட புலிகள் இவைதானா?

 ஜெயா அம்மையார் தனது உயிருக்கு ஆபத்து என்று குறிப்பிட்ட புலிகள் இவைதானா?

18 வருடம் வழக்கை இழுத்தடித்த ஜெயா அம்மையார் இறுதி நேரத்தில்கூட தனது உயிருக்கு விடுதலைப்புலிகளால் ஆபத்து என்று குறிப்பிட்டார். அவர் தனக்கு ஆபத்து என்று குறிப்பிட்டது தான் வளர்த்த புலிக்குட்டிகளைப் போலும். இல்லையேல,அவர் விடுதலைப் புலிகளைக் குறிப்பிட்டிருந்தால்

• விடுதலைப்புலிகளின் தடைக்கு எதிராக வழக்கு நடத்தும் புரட்சிப் புயல் வைகோ அவர்கள் வெகுண்டு எழுந்து எதிர்ப்பு தெரிவித்திருப்பாரே?

• புலிகளுக்காக முள்ளிவாயக்கால் முற்றம் அமைத்த அய்யா நெடுமாறன் கண்டனம் தெரிவிக்காமல் மௌனமாக இருப்பாரா?

• அய்ங்கரனுக்கு படம் எடுக்கும்படி விடுதலைப்புலிகள் தலைவர் தன்னிடம் கூறியதாக தெரிவிக்கும் சீமான் கூட இந் நேரம் பாய்ந்து களமாடியிருப்பாரே?

• எல்லாவற்றுக்கும்மேலாக நாடுகடந்த தமிழீழ அரசுகூட இது குறித்து கண்டனம் தெரிவிக்காமல் அதரவு தெரிவிக்குமா?

ஜெயா அம்மையார் குறிப்பிட்டது விடுதலைப் புலிகளை அல்ல என்பது இந்த தலைவர்களுக்கு புரிந்திருக்கிறது. எனக்கு மட்டும் ஏனோ புரியமாட்டேங்கிறது?

அதுமட்டுமல்ல, விடுதலைப் புலிகள் தற்போது இல்லை என்று கூறி மத்திய அரசு ராஜிவ் காந்தி வழக்கில் இருந்து பிரபாகரனையும், பொட்டம்மானையும் விடுவித்துள்ளது. ஆனால் விடுதலைப் புலிகளால் ஆபத்து என்று ஜெயா அம்மையாருக்கும,கலைஞர் கருணாநிதிக்கும் இன்னமும் கறுப்பு பூனை பாதுகாப்பு வழங்கப்படுகிறது.

இல்லாத விடுதலைப்புலிகளால் எப்படி ஜெயா அம்மையாருக்கும் கலைஞர் கருணாநிதிக்கும் உயிராபத்து வரும?என்பதும் எனக்கு புரியவில்லை.

அதைவிட இந்த ஊழல் தலைவர்களுக்கு ஏன் மக்களின் வரிப் பணத்தில் கறுப்பு பூனை பாதுகாப்பு? என்பதும் எனக்கு புரியவில்லை.

யாராவது புரிந்தவர்கள் எனக்கு விளக்குவீர்களா?

Unlike

• கலைஞர் கும்பல் தண்டிக்கப்படுவது எப்போது?

• கலைஞர் கும்பல் தண்டிக்கப்படுவது எப்போது?

மக்கள் பணத்தை சுருட்டிய ஜெயா அம்மையார் தண்டிக்கப்பட்டதை வரவேற்கிறோம். அதேபோன்று கலைஞர் கருணாநிதி கும்பல் எப்போது தண்டிக்கப்படுவார்கள்? இதுவே இன்று மக்கள் மத்தியில் எழுந்துள்ள கேள்வியாகும்.

ஜெயா அம்மையார் தன்மீதான வழக்கை 18 வருடம் இழுத்தடித்தார். அதேபோன்று கலைஞர் கும்பலும் வழக்கை இழுத்தடிக்க இடம் கொடுக்காமல் விரைந்து தீர்ப்பு வழங்கப்பட வேண்டும். இதுவே மக்கள் விருப்பமாகும்.

66 கோடி ரூபாவை சுருட்டிய ஜெயா அம்மையாருக்கு 4 வருடம் தண்டனை என்று தீர்ப்பு வழங்கியவுடன் தனக்கு சுகர, கால் மூட்டு வலி என்று பல நோய்களை கூறினார். அதேபோன்று கலைஞர் டிவி ல் 200 கோடி முதலீடு செய்த தயாளு அம்மையார் நீதிமன்ற விசாரணைக்கு வரும்படி அழைத்தவுடன் தனக்கு ஞாபக மறதி நோய் என்கிறார்.

அரசியல்வாதிகளுக்கு மக்களின் பணத்தை சுருட்டும்போது எந்த நோயும் வருவதில்லை. ஆனால் நீதிமன்ற விசாரணைக்கு வரும்படி அழைத்தவுடன் எங்கிருந்தோ திடீரென்று பல நோய்கள் வந்துவிடுகிறது.

இந்தியா ஒரு ஜனநாயக நாடு. இங்கு சட்டத்திற்கு முன் அனைவரும் சமம் என்கிறார்கள். இங்கு விவசாயக் கடன் கட்ட தவறிய விவசாயிகளை உடன் சிறையில் அடைக்கிறார்கள். ஆனால் பல்லாயிரம் கோடி கடன் பெற்ற மல்லையா போன்ற முதலாளிகள் சுதந்திரமாக உலாவுகிறார்கள். இதுதான் சட்டத்திற்கு முன் அனைவரும் சமம் என்பதன் லட்சனமா?

வங்கி கடனை கட்ட தவறிய ஏழை மக்கள் மானத்திற்கு அஞ்சி குடும்பமாக தற்கொலை செய்கிறார்கள். ஆனால் ஊழல் செய்த அரசியல்வாதிகள் தண்டனை பெற்ற பின்பும்கூட கொஞ்சம்கூட வெட்கம் இன்றி பவனி வருகிறார்கள். என்ன கேவலம் இது?

ஜெயா அம்மையார் ஆட்சியில் இருந்து மட்டுமல்ல அரசியலில் இருந்தே விரட்டியடிக்க வேண்டும். இது ஊழல் பேர்வழிகளான கலைஞர் கும்பல்களுக்கு ஒரு பாடமாக அமைய வேண்டும்.

பட்டமளிப்பு விழா

நேற்று (07.10.2014) London South Bank University யின் பட்டமளிப்பு விழா Royal Festival Hall ல் நடைபெற்றது. MSc - International Accounting and Finance படிப்பிற்காக எனக்கு பட்டமளிக்கப்பட்டது.

எனது இந்த படிப்பிற்கு உதவியும் ஊக்கமும் தந்த அனைவருக்கும் எனது நன்றிகள். மேலும் வாழ்த்தும் ஆதரவும் வழங்கியவர்களுக்கும் நன்றிகள்.

• புரட்சியாளன் தோழர் “சே” நினைவு தினம்!

• புரட்சியாளன் தோழர் “சே” நினைவு தினம்!

தோழர் “சே” யும் தோழர் தமிழரசனும் அடக்கு முறை அரசுகளால் கொல்லப்பட்டார்கள்.

ஆனால் புரட்சியாளர்கள் புதைக்கப்படுவதில்லை. விதைக்கப்படுகிறார்கள்.

வரலாறு அடக்குமுறை அரசுகளின் கனவுகளை உடைத்தெறியும்.

“சே” புதைக்கப்படவில்லை. விதைக்கப்பட்டார் என்பதை
அவரில் இருந்து முளைத்த பல்லாயிரம் போராளிகள் நிரூபிக்கின்றனர்.

“சே” பிரதமர் பதவிக்காக முஸ்லிம்களை கொன்றவர் அல்ல
அவர் கிடைத்த அமைச்சுப் பதவியை மக்களுக்காக துறந்தவர்.

“சே” மக்கள் பணத்தை கொள்ளையடித்து சிறை சென்றவர் அல்ல
அவர் மக்களுக்காக போராடி உயிர் துறந்தவர்.

“சே” ஆயுதம் ஏந்திப் போராடியதை போற்றும் சிலர்
தமது பாதையோ “தேர்தல் பாதை” என்கின்றனர்.

“சே” யை போராளி என்று வரவேற்ற இந்திய அரசு
தோழர் தமிழரசனை பயங்கரவாதி என்று அடித்து கொன்றது.

“சே” யில் இருந்து பல்லாயிரம் போராளிகள் முளைத்தனர்.
அதுபோல் தமிழரசனில் இருந்தும் போராளிகள் முளைப்பர்.
இதை இந்திய அரசுக்கு வரலாறு நிரூபிக்கும்.

Unlike

இவர்கள் அனைவரும் ஈழத் தமிழர்கள்-ஆனால் இவர்களுக்கு ஏன் ஒரே உணர்வு இல்லை?

இவர்கள் அனைவரும் ஈழத் தமிழர்கள்-ஆனால்
இவர்களுக்கு ஏன் ஒரே உணர்வு இல்லை?

நோர்வே ஒஸ்லோவிலிருந்து இரு ஈழத் தமிழர்கள் ஜ.நா நோக்கி முள்ளிவாய்க்கால் படுகொலைக்கு நீதி கேட்டு சயிக்கிளில் செல்கிறார்கள். 10 நாட்களுக்கு மேலாக சென்று கொண்டிருக்கிறார்கள். தமது வசதியான வாழ்வு மற்றும் உழைப்பு எல்லாம் துறந்து தமது உறவுகளின் படுகொலைக்கு நீதி வழங்குமாறு கோரி இந்த கஸ்டமான பிரச்சார பணியை அவர்கள் செய்து கொண்டிருக்கிறார்கள்.

ஆனால் அதேவேளை மக்களால் தெரிவு செய்யப்பட்ட மாகாண முதலமைச்சர் விக்கினேஸ்வரன் அய்யா அவர்கள் இலங்கை அரசிடமிருந்து ஒரு கோடி ரூபாவுக்கு சொகுசு வாகனம் பெற்றுள்ளார். அவர் மட்டுமல்ல மாகாண சுகாதார அமைச்சரும் 50 லட்சம் ரூபாவுக்கு வாகனம் பெற்றுள்ளார்.

குடாநாட்டில் என்றுமில்லாதவாறு தண்ணீப் பஞ்சம் ஏற்பட்டுள்ளது. குடிநீர் எடுக்க சென்ற பள்ளி மாணவி ராணுவத்தால் கற்பழிக்கப்படும் அவல நிலை காணப்படுகிறது. ஆனால் மாகாணசபை உறுப்பினர்களுக்கு அது குறித்து கொஞ்சம் கூட கவலை இல்லை. அவர்களது அக்கறை எல்லாம் இலங்கை அரசமிருந்து சொகுசு வாகனம் பெறுவதிலேயே இருக்கிறது!

தமிழ்நாட்டில் இருக்கும் ஓட்டுக்கட்சி அரசியல்வாதிகள் கூட ஜ.நா வக்கு கோரிக்கை வைத்து போராட்டம் நடத்துகின்றனர். மாணவர்கள் தமிழ்நாட்டில் வந்து விசாரணை நடத்த வேண்டும் என ஜ.நா வுக்கு கோரிக்கை வைக்கின்றனர். ஆனால் எமது தமிழ்தேசிய கூட்டமைப்பு உறுப்பினர்கள் இது குறித்து எல்லாம் அக்கறை இன்றி தமிழரசுக்கட்சிக்கு மாநாடு நடத்துவதிலேயே கவனம் செலுத்துகின்றனர்.

சயிக்கிள் பவனி செல்லும் இளைஞர்களும் தமிழ்நாட்டில் போராடும் மாணவர்களுக்கும் இருக்கும் இன உணர்வு எமது மாகாணசபை முதல்வர் விக்கினேஸ்வரன் அவர்களுக்கோ அல்லது தமிழரசுக்கட்சி தலைவராகி இருக்கும் மாவை சேனாதிராசாவுக்கோ அல்லது அடிக்கடி டில்லிக்கு காவடி தூக்கும் சம்பந்தர் அய்யாவுக்கோ ஏன் இல்லை?

இவர்கள் எல்லாம் தமிழர்கள்தானே?

தமிழர்கள் சிங்களம் கற்க வேண்டும் எனக் கூறுவதற்கு ஒரு இந்திய தூதுவர் யாழ்ப்பாணத்தில் வேண்டுமா?

தமிழர்கள் சிங்களம் கற்க வேண்டும் எனக் கூறுவதற்கு
ஒரு இந்திய தூதுவர் யாழ்ப்பாணத்தில் வேண்டுமா?

யாழ்ப்பாணத்தில் இருக்கும் இந்திய தூதுவர் ஒரு தமிழர். அவர் இந்தியாவில் உள்ள தமிழர்கள் இந்தி மொழியை கற்பது போல் இலங்கையில் உள்ள தமிழர்கள் சிங்கள மொழியை கற்க வேண்டும் எனக் கூறியுள்ளார்.

இந்த சிங்கள மொழி திணிப்புக்கு எதிராக நடந்த போராட்ட வரலாறுகள் எல்லாம் நன்கு தெரிந்தும் வேண்டுமென்றே இந்த இந்திய தூதர் இவ்வாறு கூறியுள்ளார்.

தமிழ்மக்களை ஆயிரக் கணக்கில் அழித்த மகிந்த ராஜபக்ச கூட தமிழ்மக்கள் சிங்கள மொழியை கற்க வேண்டும் என இதுவரை கூறியதில்லை.

தீவிர சிங்கள இனவாத கட்சியான சிங்கள உறுமய கூட தமிழ் மக்கள சிங்கள மொழியை கற்க வேண்டும் என்று இதுவரை கூறியதில்லை.

ஆனால் தமிழ் மக்களின் மொழி பண்பாடு கலாச்சாரம் என்பனவற்றை பாதுகாக்கும் என நம்பி யாழ்ப்பாணத்தில் தூதுரகம் அமைக்க அனுமதித்தமைக்கு இந்திய தூதர் சிறந்த பரிசை தமிழ் மக்களுக்கு அளித்துள்ளார்.

தமிழனாக இருந்தாலும் இந்திய தூதுவர் தானும் இந்திய அரசு போல் தமிழ் இனத்திற்கு எதிரானவன் என்பதை நன்கு காட்டியுள்ளார்.

• யாழ்ப்பாணத்தில் ராணுவம் பெண்களை கற்பழிப்பது இந்த தூதுவரின் கண்களுக்கு தெரிவதில்லை.

• யாழ்ப்பாணத்தில் தங்கள் பிள்ளைகளின் விடுதலை கேட்டு தாய்மார் அழுவது இவரது செவிகளுக்கு கேட்பதில்லை.

• ஆனால் தமிழ் மக்கள் சிங்களம் கற்க வேண்டும் எனக் கூறுவதற்கு மட்டும் இவரால் எப்படி முடிகிறது?

யாழ் நகர பஸ் நிலையத்தில் கழிப்பறை விடயம் முதல் சென்ஜேன்ஸ் பள்ளியில் அனுமதி வரை அனைத்து விடயங்களிலும் இந்த இந்திய தூதுவர் தலையிடுகிறார்.

யாழ் குடாநாட்டில் ராணுவ ஆட்சி , மாகாணசபை ஆட்சி மட்டுமல்ல இந்த இந்திய தூதுவரின் ஆட்சியும் இருக்கிறது.

காலனிய ஆட்சியில் வெள்ளைக்கார துரைமார்கள் நடந்து கொண்டது போல் இலங்கை சிறிய தீவில் கொழும்பு, கண்டி, யாழ்ப்பாணம் என மூன்று இடங்களில் தூதரகம் அமைத்து “பெரியண்ணன்” ஆட்சி நடத்த முனைகிறது இந்திய அரசு.

சுதந்திர எண்ணம் கொண்ட மக்களின் முதல் வேலையாக இந்திய தூதரங்களை அகற்றும் கோசம் எழுப்ப வேண்டும்.

இந்த இந்திய துரைமார்களுக்கு சேவகம் செய்யும் எமது தமிழ் கங்காணிமார்கள் இனியாவது இந்த துரோகத்தை நிறுத்த வேண்டும்.

யாழ்ப்பாணத்தில் இந்திய தூதரகம் அவசியம்தானா? மக்களே சிந்தியுங்கள்!

Unlike

தொடரும் ஏமாற்று அரசியல்!

தொடரும் ஏமாற்று அரசியல்!

செய்தி- ஜ.நா வில் மகிந்த ராஜபக்ச உரையாற்றுவதற்கு எதிர்ப்பு தெரிவித்து இன உணர்வுள்ள தமிழர்கள் கறுப்பு கொடி ஏற்ற வேண்டும்- கலைஞர் கருணாநிதி.

கலைஞர் அவர்களே!

நீங்கள் ஆட்சியில் இருக்கும் போது ராஜபக்சவை
உங்கள் மகள் கனிமொழி சந்திக்க வைத்தீர்கள்.
உங்கள் கட்சி எம்.பி பாலு பரிசில்கள் பெற்றார்.
இந்தியாவுக்கு மகிந்த வந்தபோது நீங்கள்
கறுப்பு கொடி காட்டவில்லை- மாறாக உங்கள்
காங்கிரஸ் அரசு செங்கம்பள வரவேற்பு கொடுத்தது.

நீங்கள் இப்போது எதிர்க்கட்சியில் இருக்கும்போது
ஜ.நா வில் மகிந்த உரையாற்ற கூடாது என்றால்
அதை கேட்க ஜ.நா காரன் என்ன இளிச்சவாயனா?

இதை எல்லாம் மறக்கவும்
நடந்ததை நடந்ததாகவும்
நடப்பவை நல்லவையாகவும் நினைக்க
நாங்கள் தயாராக இருக்கிறோம். ஆனால்
அதற்கு நீங்கள் செய்ய வேண்டியது

(1) நீங்கள் ஆரம்பித்த சிறப்பு முகாமை மூடும்படி குரல் கொடுங்கள்.

(2) அடைத்துவைத்திருக்கும் அகதிகளை விடுதலை செய்ய வலியுறுத்துங்கள்.

(3) அகதி மாணவர்கள் உயர்கல்வி பெறுவதற்கு வழி செய்யுங்கள்.

(4) அகதிகளுக்கு கியூ பிராஞ் பொலிஸ் செய்யும் தொல்லைகளை நிறுத்துங்கள்

(5) அகதிகளுக்கு மருத்துவ வசதி கிடைக்க வழி செய்யுங்கள்.

(6) ஈழ அகதிகள் தீபெத் அகதிகள் போல் நடத்த குரல் கொடுங்கள்

மேலே கேட்டுக்கொண்டவை யாவும் உங்களால் செய்யக்கூடியவையே.

இவற்றை முதலில் செய்ய நீங்கள் தயாரா? அல்லது
தொடர்ந்தும் ஏமாற்று அரசியல் செய்யப் போகிறீர்களா?