நேற்று மாலை 02081294220

நேற்று மாலை 02081294220 என்ற இலக்கத்தில் இருந்து எனக்கு ஒரு அழைப்பு வந்தது. வணக்கம் கூறியதுடன் அழகாக தமிழில் ஒரு பெண் உரையாடினார். இந்தியா செல்ல மிகக்குறைந்த விலையில் விமான டிக்கட் மற்றும் தங்குமிட வசதிகள் யாவும் செய்து தருவதாக கூறினார். நான் சிரித்துவிட்டு “எனக்கும் இந்தியா செல்ல விருப்பம்தான். ஆனால் இந்திய அரசு விசா தர மறுக்கிறது. உங்களால் விசா எடுத்து தர முடியுமா?” எனக் கேட்டேன். சிறிது நேர மௌனத்தின் பின் “மன்னிக்கவும் எங்களால் விசா எடுத்து தர முடியாது” என பதில் வந்தது. அதற்கு நான் “சரி. பரவாயில்லை. உங்களுக்கு எப்படி என் தொலைபேசி இலக்கம் கிடைத்தது?” எனக் கேட்டேன். “உங்கள் உறவினர்கள் யாராவது எமது சேவையை பெற்றிப்பார்கள். அவர்கள் உங்கள் இலக்கத்தை தந்திருப்பார்கள்” என்றார். அதற்கு நான் “லண்டனில் எனக்கு அப்படி உறவினர் யாரும் இல்லை. இருந்தாலும் அவர்கள் ஏன் என் இலக்கத்தை தரப் போகிறார்கள்?” எனக்கேட்டேன். உடனே மறுமுனையில் போன் கட் செய்யப்பட்டுவிட்டது. அப்படி நான் என்ன தப்பாக கேட்டுவிட்டேன்?😂